ಬಾರಯ್ಯ ಭಾಸ್ಕರ

ಬಾರಯ್ಯ ಭಾಸ್ಕರ
ಜಗ ಬೆಳಗೊ ದಿನಕರ
ಇರುಳಿನ ತಂಪಿನಲಿ ಬೆಚ್ಚಗೆ
ಮಲಗಿದ್ದ ಜಡತೆಯನು
ಒಡೆದೋಡಿಸು ಬಾರೋ,
ಕತ್ತಲ ಸರಿಸಿ, ಬೆಳಕನು ಹರಿಸಿ,
ನಿನ್ನೆ ಮೊನ್ನೆಯ ನೋವನು
ನೀ ಮರೆಸು ಬಾರೋ
ಕೆಂಪಾದ ನಿನ್ನ ಹೊಂಗಿರಣದಿಂದ
ನರನಾಡಿಯಲ್ಲಿ ಹೊಸಚೈತನ್ಯ ತಾರೋ

ಸಂಜೆಯಾಗುವವರೆಗೂ
ಈ ಉತ್ಸಾಹ ಬತ್ತದಿರಲಿ.
ನನ್ನ ಬೆವರ ಹರಿಸಿ,
ಮಾಡಿದ ದುಡಿಮೆಯಲಿ,
ಈ ಚೈತನ್ಯ ನಲುಗದಿರಲಿ.
ನಾಳಿನ ನಿನ್ನ ದರುಷನಕೆ,
ಕಾದಿವೇ ಈ ಕಣ್ಣುಗಳು.
ಆ ಕನಸಿನಲೇ ನಾ
ಕಳೆಯುತಿರುವೆ ಇರುಳು.
ಬಾರಯ್ಯ ಭಾಸ್ಕರ
ದಿನ ಬೆಳಗೋ ದಿನಕರ